今日係我第一日寫呢一個肝炎BLOG, 因為我真係好想同肝炎的病友分享一下我
醫呢個病的經過, 最重要ga就係提供一d方法同資料俾大家參考 !
當你有以下病徵時應該點樣做 :
– 發燒、嘔吐、腹痛、頭痛
– 體力透支
– 食慾不振
– 尿色黃濁
– 潺弱
– 疲倦
– 噁心
– 消瘦
– 做嘢冇心機, 瞓極都唔夠, 成日都好攰

咁當然係去睇醫生啦, 咁問題嚟喇, 好多人都會去睇家庭醫生, 其實我覺得睇政
府醫院門診就最好, 一來醫生唔會開一d無謂ga藥, 二來診症費用只須 $45(不包
括藥費,每種藥加$10)對我地依d要睇一個慢性病黎講會係一個好ga選擇, 因為如
果你睇左一d(小數)沒有醫得ga醫生, 只管要錢,佢一睇你驗血報告知道你係感染
乙型肝炎同肝酵素超標, 就會立即建議用醫治乙型肝炎ga藥,但要知道現在醫乙
肝ga西藥, 一開始服用就唔可以停止的終身服用, 同藥費不菲,我相信大部份香港
醫生都係有醫得ga, 但就要睇你運氣喇, 其實我有時都覺得睇醫生真係要好講運
氣!